ការប្រលងបញ្ចប់វិទ្យាល័យ គឺជារឿងដែលសំខាន់ដោយវាកំណត់ វាស់ស្ទង់ពីសមត្ថភាពសិស្ស និងកំណត់រកទិសដៅការងារ ហើយក៏ជាជំហានដំបូងក្នុងការចាប់ផ្តើមជីវិតថ្មីរបស់សិស្សានុសិស្សក្នុងការក្លាយជានិស្សិត។ ដូចនេះវាត្រូវតែមានភាពច្បាស់លាស់ ត្រឹមត្រូវ សុក្រឹត្យ និងជាសកល ដើម្បីបញ្ជាក់ពីកម្រិតសមត្ថភាពរបស់សិស្សបានច្បាស់ ចៀសវាងការសម្រេចចិត្តជ្រើសមុខជំនាញខុសពីសមត្ថភាពដែលនាំអោយខាតពេលវេលា។ អាស្រ័យដូចនេះ ខ្ញុំមានទឡ្ហីករណ៍៣ចំណុច ដើម្បីធ្វើការគាំទ្រទៅលើប្រធានបទដែលលើកឡើងថា "កម្ពុជាគួរលុបចោលការប្រលងបាក់ឌុប ហើយជំនួសដោយការប្រលងចូលសាកលវិទ្យាល័យ ដូចជា SAT, KSAT, GaoKao"។

១. ប្រព័ន្ធនិទ្ទេសនៃការប្រលងបាក់ឌុបនៅមានភាពខ្វះខាត។

និទ្ទេស A-E មិនបានកំណត់ពីសមត្ថភាពសិស្សពិតប្រាកដ។ នៅពេលចុះឈ្មោះចូលសាកលនិទ្ទេសរបស់សិស្សមិនមានលក្ខណៈខុសគ្នានោះទេ ដែលនេះមិនបានលើកទឹកចិត្តសិស្សអោយខិតខំប្រឹងប្រែងអោយអស់ពីសមត្ថភាព។ តែការប្រលងចូលសាកលវិទ្យាល័យ ដែលធ្វើអោយសិស្សមានការខិតខំប្រឹងប្រែង ដើម្បីយកពិន្ទុល្អក្នុងការចូលរៀនក្នុងសាកលវិទ្យាល័យ។ ការប្រលងនេះត្រូវបានទទួលស្គាល់ជាសកល ដែលផ្តល់ភាពងាយស្រួលដល់សិស្សក្នុងការដែលចង់បន្តការសិក្សាទៅក្រៅប្រទេស។ ការនៗប្រលងនេះដែរមានភាពច្បាស់លាស់ដែលកំណត់ពីសមត្ថភាពសិស្សជាក់ស្តែង ដែលនេះជំរុញគុណភាពនៃការសិក្សារបស់សិស្សនៅកម្ពុជា។

២. ស្តង់ដាកម្រិតវិញ្ញាសាររបស់ប្រលងបាក់ឌុបនៅមានកម្រិត

វិញ្ញាសារប្រលង គឺមិនសង្កត់ទៅលើវិធីធ្វើនោះទេ តែផ្តោតទៅលើចំលើយដែលត្រឹមត្រូវ។ កម្រិតពិបាកនៃវិញ្ញាសារក៏ពិបាកជាងវិញ្ញាសារក្នុងការប្រលងតាមសាលាផងដែរ។ ឧបសគ្គចំបងរបស់ការប្រលងគឺ ពេលវេលា។ សិស្សត្រូវមានភាពវ័យឆ្លាត រហ័សរហួន និងការប្រុងប្រយ័ត្នខ្ពស់។ សិស្សត្រូវចេះគ្រប់គ្រងអារម្មណ៌ខ្លួនឯងក្រោមស្ថានភាពដ៏តានតឹងមួយនេះ។ការប្រលងចូលសាកលវិទ្យាល័យមានអត្ថប្រយោជន៌សម្រាប់សាកល គឺបង្កើតភាពងាយស្រួលដល់សាកលក្នុងការផ្តល់សិទ្ធអោយសិស្សចូលរៀន ដោយមើលទៅតាមពិន្ទុជាក់ស្តែង។ ចំណែកឯសិស្សអាចវាស់ស្ទង់ពីសមត្ថភាពរបស់ខ្លួនឯងនិងជ្រើសរើសជំនាញនិងសាកលដែលសាកសមនឹងខ្លួនជាទីបំផុត។ ជាទូទៅសាកលដែលល្បី គឺទាមទារនូវសិស្សពូកែដែលបានពិន្ទុខ្ពស់ក្នុងការប្រលង ហលយសិស្សទាំងអស់នោះមានអាទិភាពក្នុងការជ្រើសរើសសាកលដែលខ្លួនពេញចិត្ត។

៣.​ ចំណាយថវិការដែលមិនចាំបាច់

សព្វថ្ងៃដើម្បីចូលរៀនតាមសកលមួយចំនួនគឺតម្រូវអោយសិស្សធ្វើការប្រលងមួយដែលរៀបចំឡើងដោយសាកលផ្ទាល់និងខុសៗពីគ្នា។ បើទោះជាមានសញ្ញាបត្របាក់ឌុបក៏ដោយក៏សិស្សត្រូវ ប្រលងតាមសាកលដដែល ដូចនេះគួរតែលុបចោលនូវបាក់ឌុបនិងជំនួសដោយការប្រលងចូលវិទ្យាល័យតែម្តងជាការប្រសើ។ ការធ្វើបែបនេះក៏កាត់បន្ថយភាពតានតឹងរបស់សិស្ស ដោយពុំចាំបាច់ត្រូវខ្វល់ខ្វាយក្នុងការប្រលង2 ដងនោះទេ។ ការលុបជំនួសបែបនេះក៏កាត់បន្ថយថវិការការចំណាយថវិការរបស់សិស្សមួយចំនួនធំផងដែរ ដោយពួកគេមិនចាំបាច់ត្រូវរៀនបន្ថែមពេលចប់បាក់ឌុបនោះទេ។ហើយវាក៏បាន​កាត់បន្ថយថវិការក្នុងការចំណាយដើម្បីរៀបចំការប្រលង២ដងផងដែរ